羅凱珊（Kama）昨日以紅色背心配短裙出席九龍灣MegaBox「Fun Fun動漫節」暨「暗黑動漫凶間」記者會，在接受訪問時Kama表示自己最愛聽鬼故，說：「我都好鍾意睇鬼片，總之係驚慄片我都鍾意！（有冇試過撞鬼？）有次旅行，半夜有人敲我酒店門，我好驚，仲即刻衝上床，用被蓋住頭瞓覺！」
公司安排有誤
她又透露將棄日攻台到台灣發展，說：「過幾日我會到台灣一個月，睇下有冇進軍機會，係做番Model工作，而我國語都OK，（日本呢？）我可能會轉Agency。（係咪依家公司安排上有問題？）類似，（會簽邊間？）唔可以透露，但佢哋想我留喺日本一年，係長遠決定，要考慮清楚。（日文學成點？）學極都唔好。」
視Baby為目標
當記者建議她找個日本男友，有助日文進步時，她笑說：「可以搵個又識講中文同日文嘅男友！」至於提到Angelababy攻日成功，她言語間表示視對方為奮鬥目標，說：「我啲日本Model朋友都話佢發展得好好，我覺得係件好事，起碼有前者睇到係成功，而自己亦知點努力去攻日！」
文：名人組