湯怡及詩雅前晚現身旺角鬧市宣傳手機品牌活動，兩人賣口乖大讚手機功能，居住上水的詩雅笑言：「試過幾次搭火車返屋企，唔覺意瞓着就返咗大陸，依家電話有定位功能，可以叫醒我，哈哈！」而湯怡認為男仔始終對電子產品認識較多，她說：「我間唔中就會叫陳偉霆教我點用部新機，（點解唔問緋聞男友洪卓立？）吓，咁啱做完嘢見到佢嘛！」
兩人表示入行後都小心處理手機的相片及通訊錄，湯怡說：「我好大頭蝦，所以好驚唔見電話，入面好多藝人嘅電話同合照，（最多邊個男藝人？）公司所有男藝人都有份！」而詩雅會用暗號代替藝人真名，避免私隱外洩。
