前晚近八時，為慶祝26歲生日的Stephy於尖沙咀某酒吧舉行「陪着我走」私人生日派對，到賀的歌手包括緋聞男友方力申、吳雨霏（Kary）、小肥及「餅碎」Angela。全黑打扮的Stephy抵埗後，方力申亦以全黑look於十分鐘內現身，儼如「男主人」，第一個到場的小方在記者起哄下作狀擁抱Stephy，記者叫小方吻賀壽星女，沒有行動的小方笑言：「太益我！」並對着Stephy說：「祝你前程似錦、一帆風順！」小方坦言已忘了多少年跟Stephy慶生辰，但Stephy卻一臉冧爆搶着說：「三年喇！」記者恭喜二人已「三年」時，小方不虞有詐：「你哋太夾硬！」

滿場飛風騷任隊

Stephy透露今年生日願望是身體健康及遠離是非，問她今年是否以「一姐」身份開大型生日派對？她說：「往年都有搞，去年25歲講過唔再搞，但朋友好有心話幫我搞！」Stephy表示交由好友代她邀請來賓，問到有否邀請Theresa？她說：「唔係我請㗎，我冇參與，（Theresa走咗少啲是非？）上年生日願望都係少啲是非，但今年都係咁多！」據悉，在踏入15日的凌晨，小方細心的陪同Stephy吹蠟燭及切蛋糕，但二人並沒親密舉動，而Stephy則開心得滿場飛，千杯不醉的她在友人「狂隊」下依然保持清醒，且盡興至凌晨二時才high爆離開。

Stephy和小方對於公司跟Theresa的合約糾紛，二人不欲多談，小方更劃清界線：「唔關我事！（撐邊個？）唔答呢啲！」

小方、小肥等為Stephy慶祝26歲生日。	吳雨霏和Angela齊齊現身Stephy生日派對。	Stephy前晚盡興至凌晨二時才帶着少許醉意離開。

吳雨霏小肥撐場

另外，Kary在出席Stephy派對前，坦言跟Theresa已很少聯絡，但她希望公司跟對方的合約糾紛能盡快平息，至於她跟公司的續約事宜，Kary表示：「公司七年嚟都對我好好，佢哋亦好有誠意同我去傾！」至於小肥則自爆早前Theresa要求他為其fans club設計logo，小肥揚言不怕身份尷尬，他說：「朋友還朋友，我冇話企喺咩立場，呢啲係佢同公司嘅事！」

採訪：音樂組