灰姑娘幾幸福

Niki昨日以心晴行動大使身份現身海港城出席「玻璃‧時裝‧藝術展」發布會，着上彩色連身裙的她精神奕奕，在藝術家楊燕玲的協助下親自設計玻璃鞋造型的紅色手袋，又用玻璃珠砌成圖畫，她說：「鞋同手袋係女人不可或缺嘅嘢，玻璃鞋又好童話故事嘅感覺，灰姑娘個結局都幾美滿幸福吖。」

無暇睇台慶劇

提到前緋聞男友鄭嘉穎參演的台慶劇《宮心計》快將開播，Niki說：「有時間咪睇吓囉，平時咁忙，好難就到啲劇集時間，（仲以為你唔睇添？）好嘅劇我都會欣賞嘅。」Niki表示今年主力於音樂方面發展，短期內不會接拍劇集，問到她是否需時間另覓螢幕情侶，她笑笑口回應：「呢啲嘢好難控制㗎喎，最好就梗係有新拍檔啦，（合作過唔想再合作？）咁我演藝事業唔係好長時間，好多人都冇合作過。」Niki表示睇到不少資深演員都陸續回巢拍劇，她都希望有機會跟他們合作兼偷師。

採訪：音樂組