經常香港德國兩地走的貝安琪（Ankie），早前打扮樸素到香港駕駛學院學車，與普通學神無異，但到場後Ankie棄用日本車，專揀馬力和軚盤手感都較好的平治練習，明顯為將來買歐洲車作好準備。Ankie一見教車師傅即禮貌地上前打招呼，兩人在上車前傾談了幾句，Ankie坐上車後，表現得很興奮，跟着師傅的指示開車，見她駕駛得頭頭是道，輕易地駛行直線、轉彎及泊位等，駕駛技術明顯並非「初哥」，師傅亦點頭示意不錯。
買定豹紋枕
尚未考車牌，仍然是學神的Ankie，幾天後卻現身旺角汽車用品專賣店，揀選車用裝飾物品如毛公仔、椅枕、膠地氈等，尤其對豹紋椅枕最感興趣，最後亦購買了幾件用品離開。
考牌有信心
其後致電Ankie，她直認是揀車來學，她說：「我鍾意歐洲車，覺得歐洲車車身重啲，揸起嚟定啲。以前喺德國都有跟媽咪學過，今次正式學就好易上手，一啲都唔覺得難，仲好好玩添！我好鍾意揸車，可以揸三、四個鐘都唔攰。」她說學車師傅讚她駕駛技術不錯，令她對考牌更添信心，問她未考牌已購買汽車用品，她說並非計劃在港買車，預計會在德國買車，買汽車用品只是未雨綢繆。
文：名人組