方力申加入樂壇八年之久，無論工作多忙碌，小方每年都會抽時間跟父母返北京家鄉探望外公、外婆，他坦言最近主演的電影《機器俠》在北京公映，令他首次感到光宗耀祖的感覺。
小方由香港游泳代表隊搖身一變成為樂壇歌手，成績有目共睹，就算工作再忙再辛苦，他都會遵照父母之命，一家人返媽咪的老家北京，探望外公、外婆及大班親友，每年風雨不改，非常孝順。
玩煙花惹火
小方憶起小時候在北京度假的日子，開心又難忘，印象最深是父母好鍾意帶他與細佬去動物園玩，兩兄弟手足情深，所以不難搵到兩人錫錫的童年照。提到難忘事，他說：「喺北京玩煙花傻吓傻吓咁，燒着咗自己件棉衲都唔知，搞到成身都係火，好彩爸爸睇到，即時救咗我，否則大家都見我唔到。」
曾經到北京主持奧運節目，又代表香港傳遞聖火，衣錦還鄉認真風光，他卻認為最近的電影才令他有光宗耀祖的感覺，小方說：「入行八年來，好多親戚都知我做藝人，不過都只係聽聞，直至今年有份拍《機器俠》，套戲喺北京上映，我又有去做宣傳，佢哋先了解到我嘅工作，我依家先真正有光宗耀祖感覺。」
阿媽要抱孫
他透露將計劃推出國語大碟，希望到時可以親手送碟畀各位親友，一齊見證他努力的成果。問他幾時結婚生仔，開枝散葉？他說：「媽咪又冇催我結婚，不過啱啱飲茶時同我講，話咩都唔理，淨係要抱孫，我個人就比較傳統，點都要結咗婚先生仔，所以叫佢再等吓先啦！」
採訪：音樂組