林峯昨日帶備鮮花，在油麻地街市眾目睽睽下向楊怡跪地求婚，不過楊怡表示若接受的話，恐怕會被林峯的fans殺死。
林峯、楊怡以及馬國明等昨日到油麻地街巿為主演的無綫新劇《談情說案》拍攝煞科戲，劇情講述西裝骨骨的林峯手持鮮花當街跪地向楊怡求婚，吸引大批巿民圍觀。拍攝前，林峯雖表示不知會否有親熱戲，但他笑言已刷定棚牙嚟向楊怡求婚，而現實之中，他表示若求婚的話，一定會做足準備工夫，鮮花、鑽戒樣樣齊，一樣都不能少。
鍾嘉欣？唔好喇！
林峯被問到有否想過向人求婚？他說：「吓？同邊個呀﹖（鍾嘉欣呢？）唔好喇！發夢都唔會向人求婚，初戀都未試過求婚，始終呢件係終身大事，不過如果現實生活中要求婚的話，一定要齊備鮮花和鑽戒，唔知要買幾多卡。（最少都要十幾廿卡！）嘩，都好貴喎，不如買樓仲實際，仲有誠意啦！」
誠意十足「飯應」
問到楊怡在公眾場合拍求婚戲會否尷尬？她即說：「唔會，係都係林峯尷尬啦，如果現實生活有個鍾意嘅男人大街大巷求婚的話，真係誠意十足，我會飯應，不過呢個一定唔係林峯囉，佢啲fans會殺咗我。」
文：影視組