新婚不久的千嬅繼早前力谷新歌《真命天子》後，日前又再為另一首新歌《原來過得很快樂》拍攝MV，曾被老公丁子高大讚專注工作時樣子可愛的千嬅，今次戴着老公送的「RM」頸鏈扮小孩，獲導演批准像孩子般放任地將玩具隨意掉到地上，千嬅在MV中肆意地玩肥皂泡、跳彈床及跳繩，可謂寓工作於娛樂。

千嬅笑謂最好能將人生中不想要的都倒掉。	跳彈床和跳繩令千嬅重拾童真。	放大圖片

力不到不為財

事後千嬅表示：「新歌係《再見二丁目》嘅延續，今晚好似將自己一生嘅嘢掉落地下，假如人生可以將所有不想要嘅倒掉，然後唔使收拾轉身走就好，不過呢啲不負責任嘅夢只可以發一陣，不過到我拍跳彈床嘅時候已經返回現實，力不到不為財，你估坐喺度就有錢收咩！」

唔唱歌做中醫

對於有傳千嬅看中醫調理身體準備迎接BB？千嬅謂：「其實我日日都生仔㗎啦，生咗十幾年，所有楊千嬅出產嘅音樂電影都有我嘅DNA存在，都係我個仔，今次呢張唱片已經係我第三十幾個仔啦，哈哈……」千嬅透露一向都有看有關中醫調理的書籍，又表示將來不做歌星的話，希望自己會是一名中醫師。

另外，千嬅日前為某眼鏡店拍攝廣告，她亦趁機做了眼睛檢查，視光師指千嬅的視力非常健康，難怪千嬅能找到真命天子，千嬅坦言平時外出工作會戴太陽眼鏡抵禦紫外光對眼睛造成的傷害，回家才戴回眼鏡令雙眼休息！

文：音樂組