無綫新劇《富貴門》前晚舉行慈善晚宴，可盈、袁詠儀（靚靚）、呂良偉、羅嘉良及陳敏之等盛裝出席。腹大便便的可盈以紅色Tube Dress及四吋高跟鞋到場，影大合照時獲在場男士細心扶上台，備受呵護。

眾演員拍大合照時，郭可盈獲安排坐在中間，相當架勢。	陳敏之	靚靚跟羅嘉良好好傾。

肥十磅上圍豐滿

晚宴完畢後，可盈在女助手陪同下登上座駕離開。未知是否護主心切，在送可盈回家途中，其司機竟罔顧車內大肚婆的安全，大膽衝燈、切線及急煞車，期間又跟尾隨的記者起衝突，幾經波折可盈才安全抵達一號銀海住所。

可盈在晚宴上透露今胎是囡囡，預產期將在明年二月，現肥了十磅，見她上圍亦升級不少。問她是否有意退出？可盈說：「將來嘅嘢真係唔知，拍劇時間長，暫時都唔會再拍住，但廣告、活動會做，（攞視后？）得o架喇，依家有個女至係最重要。」至於涉及前經理人汪子琦的案件，可盈謂對方仍扣查中。

同場的靚靚談到對無綫今屆視后有何睇法，即坦言：「我以前係親生，依家嫁咗人，啲錢（獎）梗係留番畀啲未嫁o架啦。」而羅嘉良則透露十二月底前會與太太蘇岩在北京補擺喜酒。

文：影視組