十八位亞姐穿上噴火三點式泳衣大晒身材，「禾稈冚珍珠」的港澳代表林紫君憑35吋半上圍，成功擊敗台灣「豐胸專家」劉伊心，以及擁有35吋上圍的中國代表王晨，為港爭光成為全場焦點。而莫曉菲因帶病上陣兼輸蝕身材，酸溜溜地說：「咁我都要做人o架！」
十八位《2009亞洲小姐競選》中港澳台候選佳麗，昨日穿上火辣三點式會見傳媒，齊齊集合在泳池旁碧波蕩漾。當中港澳特區代表（3）林紫君以35吋半上圍備受注目，其豐滿上圍似big爆泳衣「呼之欲出」，場面震撼，憑半吋險勝35吋上圍的中國代表（10）王晨，以及有比堅尼王后之稱的台灣代表（18）劉伊心，成為全場焦點為港人爭光。
月事來潮驚出事
自稱身體不適的林紫君，在記者細問下終和盤托出，承認「月事來潮」，她說：「好唔舒服，好痛，唔係咁方便。（擔心出事？）都會，我都係第一次月事着泳衣。（你為港人爭光！）唔好咁講，個個都好好。」
日前劉伊心自稱上圍有32D，但亞視昨日公布資料顯示，其上圍達34吋，似有所不符。劉伊心受訪時坦言最欣賞王晨的胸部，要效法對方吃奶片豐滿上圍。她說：「其實我每天有按摩胸部，可以挺高一點。」另外，（14）何卿因脫毛太狠，導致下體出現敏感情況。
莫曉菲輸胸無奈
另外，抱病堅持上場的（1）莫曉菲狀態甚勇，但其上圍只得32吋，問她會否擔心輸蝕？她酸溜溜地說：「我睇到都覺得好驚奇，我以為自己係五呎三，點知話我五呎二，上圍數字就啱（32吋）。我咁嘅身高，有36吋你哋都驚啦，到時又話我警鐘胸！其他佳麗夠高嘛，我覺得自己好均勻。（有冇打擊自信？）都冇計，咁我都要做人㗎！好似今日咁冇人矮過我，我都係排第一。」
莫曉菲承認試過不同的豐胸方法，亦打算找「豐胸專家」劉伊心請教。對於「翻版李嘉欣」（2）王希瑤仍未病愈，她說：「係我傳染佢，佢都未好番。佢有打畀我。（係咪鬧你？）冇，但都有怨言囉！唔關我事係佢自己抵抗力差啫。」而大會亦指王希瑤因氣管炎咳至橫膈膜痛，要着她不要到場，避免傳染其他佳麗，但就沒要求她退選。
文：影視組