本文重點
Lynn早前傳與城城在泰國慶生72小時，雖然「城嫂」身份未被確認，但昨日卻傳出城城用兩萬元包晒Lynn在泰國食住及機票費用，難怪Lynn返港後如沐春風，昨日更趁城城開工，與兩名助手齊到銅鑼灣購物，行街半小時已花二千多元買靚衫，出手闊綽！
昨午近三時，不施脂粉的Lynn在利園Sistyr Moon巧遇記者，起初有點愕然，但無損她的Shopping興致，態度輕鬆地問：「你哋做嘢呀？（有冇打擾你？）冇，我怕影響到你哋。」之後，Lynn繼續自己睇衫，尤其對小背心款式有興趣，在衫架前又踎低揀衫，很快便揀了心頭好，但仍意猶未盡，行勻店內每個角落，包括特賣貨格及鞋架都不放過，行足半小時才埋單。被追問城城包去泰國一事，Lynn皺皺眉頭說：「邊度聽番嚟㗎？（城城對你咁好，係咪好Sweet？）我唔答喇！」
狂掃小背心
一提城城，Lynn即乖乖封嘴，但問她Shopping使費，Lynn又回復風騷笑容說：「買咗幾件T恤，好平咋！」據知Lynn買了七件背心和T恤，埋單約二千多元，Lynn透露已完成《葉問2》的拍攝工作，並準備開拍另一部新戲，對早前傳她自殘，她極力否認：「感冒啫，因為要打針，一日就好番。」
攝：秦健輝