正身在橫店拍民初劇《大丫環》的李彩華（Rain），在劇中飾演千金小姐，日前她與戲中丈夫吳卓羲（Ron），拍攝一場爆破戲，險被空彈擊中俏臉毀容，令伊人嚇致花容失色，Rain說：「劇情講有人暗殺我哋，要拍爆破戲，但導演事前冇通知會點樣爆，佢要我哋嘅真實反應，搞到我好驚，到真係爆嗰陣，我嚇到要掩埋耳仔，仲差啲畀空彈同埋道具射中塊面，好彩最後冇毀容。（冇戴耳塞？）冇呀，塞棉花都冇，所以拍完嗰場戲後，有十幾分鐘聽嘢聽得好模糊。」幸好緋聞男友王傲山以長途電話慰問，才令她釋懷。
Rain表示該劇至本月底才拍竣，她說：「之前天氣好熱，好多人患上感冒，初時都驚自己會有豬流感（H1N1甲型流感），所以不停飲板藍根。」問到與Ron合作如何？她說：「大家都係香港人，有共同話題。（有冇親熱鏡頭？）都係借位。」
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |