廖碧兒（Bernice）在北京工作的弟弟日前結婚，擺酒地點乃一如四合院的「北京中國會」，Bernice自然要出席此一既有特色又溫馨的婚禮。場地布置充滿中國色彩，新人穿上傳統鳳冠霞帔，Bernice亦以中式服飾出席婚宴。
當天赴會的賓客全是外國人，布置甚有中國味道，Bernice說：「我好似喺無綫嘅古裝街咁。」
廖母提早個多星期到北京作準備，大忙人Bernice也有幫手：「雖然我去嘅時間好短，不過有朝一早八點我就去幫佢哋排隊註冊，仲排第一個添，可惜我都聽唔明啲人講乜嘢，好在後尾有個工作人員識講英文咋！」
被姊姊、細佬相繼「爬頭」結婚，Bernice慶幸沒有承受壓力，家人沒有催婚：「順其自然啦，我都冇時間拍拖，自己唔係冇機會，呢行真係好難搵另一半，屋企人好明白我，都冇催到我。」