2R成員黃婉君（Rosanne）自爆年底下嫁混血牙醫後，隨即返回家鄉待嫁，但有傳Rosanne的婚期是本月28日，其圈中好友已陸續訂機票飛往新加坡賀新娘子，其中Rosanne相識三年的密友許懷欣（Ryan），昨日被拍得往Masterpiece by king fook睇鑽飾，估計他是為Rosanne破費買賀禮。
豹紋錶送給老竇
Ryan除睇中逾四萬元鑽石戒指掛墜外，又試戴各款鑽石耳環及項鏈，可惜全不合心水，他隨經理人再睇鑽錶，當店員介紹一款，其父親至愛的豹紋圖案手錶給他時，Ryan即急不及待試戴，又和店內的高層密斟，見他接過高層的卡片後就離開。
懷谷Dino娶老婆
Ryan在電話中被問到是否買賀禮給好友Rosanne？他說：「唔係，嚟睇吓，不過就睇中隻豹紋錶想送畀老竇，但要成77萬幾，我諗要唱一百場騷，儲到明年父親節就夠錢。」Ryan坦承月底和太太飛往新加坡出席Rosanne的婚禮，但詳情不願透露。再致電Rosanne的妹妹Race（黃婉佩），身在外地的她對家姐婚期保密說：「唔係呢個月。（下個月？）唔話你知。」
傳Rosanne於本月結婚外，Soler細孖Dino亦於11月15日和相戀多年的圈外女友結婚，至於Ryan的細佬許懷谷則於12月舉行婚禮。對於細佬Dino年底與拍拖多年的女友結婚，Julio昨日說：「我會幫手接新娘，預咗畀人玩，希望唔好考我中文，亦都會幫細佬頂酒。」
文：音樂組