江若琳在新片中將有所突破，飾演一名為爛賭男友還債而淪為援交的女孩，更要接騎呢怪客。
江若琳、陳偉霆、趙碩之、陳楚喬與導演彭發，昨日出席新戲《關人７事》宣傳活動，江若琳在戲中為幫男友還賭債，竟「下海」做援交女，而現實中，江若琳不但唔會揀爛賭仔做男友，而且擇偶條件甚高，難怪被嘲冇男友。
為仔死為仔亡
江若琳透露她戲中角色係為仔死為仔亡，而現實中卻相反，她說：「我接受唔到男仔嫖賭飲吹，戲中我男友仲要一腳踏兩船添，我梗係唔得啦！」而身旁彭發聞言，即不禁表示：「咁多條件，唔怪得你咁耐都仲未搵到男友啦！」令全場哄笑，而江若琳亦冇聲出，惟有傻笑。
江若琳透露戲中其中一個嫖客是以騎呢爆炸頭示人的DJ Leo，難怪Leo大講風涼話：「呢啲有錢就得，唔使靚仔。」
聞古仔泛淚光
至於江若琳師妹陳楚喬表示，在戲中將銀幕初吻獻給了鄭融，問到她最想咀邊位男藝人，她即開心到眼泛淚光表示：「最想咀古天樂。（係咪為古仔入行？）唔係，其實佢膚色好白嘅時候已經鍾意佢，好想參加佢生日派對，成為佢fans club會員，嫁唔到佢，做會長都好啦。」
文：影視組