古巨基以七位數擔任杯麵代言人，廣告商特別安排基仔乘坐「叮叮」專車到場，進帳百萬的他不敢胡亂投資，基仔迄今有三間物業，但他否認身家過億。
被喻為星級代言人的基仔，昨日盛裝出席日清合味道「升級」典禮，基仔在大會安排下乘坐叮叮專車由跑馬地到銅鑼灣，沿途吸引大批途人、巴士乘客注意，他們見到基仔開心得目瞪口呆，基仔笑說：「我都有成十年冇坐過電車，感覺好得意。」
爛gag氹廣告商
會上基仔化身古Sir搞爛gag，他笑說：「彌敦道好旺，公主道好多車，邊度好味？合味道好味。」氹得廣告商大笑，基仔笑言：「七位數酬勞係包埋呢個gag，我個gag好貴，佔咗九成。」日本方面則由木村拓哉做代言，基仔繼續搞爛gag笑說：「唔記得問木村收幾多添？」
請杯麵報答公司
今次日清是基仔加盟英皇首個廣告代言工作，即袋逾百萬厚酬，問他怎樣報答公司？他笑說：「請佢哋食杯麵囉。」基仔透露會將酬勞儲蓄作積穀防饑，絕對不會胡亂投資買樓，因為有感現今樓價太高，他說：「我唔叻投資，九七年我高位買樓中過招，甩手賣出時蝕咗40%，真係好肉赤。」基仔大方承認有三間物業在手，但否認身家過億，他笑說：「嘩！唔係啩，有幾多身家唔知，但唔會過億。」
文：音樂組