關心妍（Jade）和未婚夫楊長智將於月尾在峇里舉行300萬婚禮，婚姻註冊署已貼出兩人的結婚通知書，而Jade是用真名關惠文登記，Jade接受本報電話訪問時說：「我哋好大懵，幾乎唔記得要先註冊後行禮，牧師做婚前輔導時提醒我哋，行禮簽嘅證書冇法律效力，我哋即刻搵律師朋友搞，因為通知書要貼30日，差一日就趕唔切。」
至於婚禮舉行日期，Jade表示由於早前印尼發生地震，她和未婚夫會先飛峇里視察環境，若問題不大就如期本月24日行禮，否則就延至30日舉行。由於婚期迫在眉睫，Jade笑說：「我應承咗老公會停工專心籌備婚禮。」問她會否戴千萬珠寶出嫁？她說：「冇咁多，七位數字一定有，包括珍珠鏈同鑽石鏈、耳環、戒指。」