環球一眾歌手Eason、阿倫、克勤、陳慧琳（Kelly）、張敬軒、Kay、劉美君、鄧健泓、Mr.、Swing、麥家瑜及陳詩慧等，昨日晒冷為慈善新碟及音樂會出席記者會，雖然Eason和Kay鬧出緋聞，但兩人以「清者自清」為慈善碟合唱《青春無晦》，昨日兩人企位明顯保持距離，不過，當阿倫要兩人談及合唱歌時，Eason表現大方，主動企在阿Kay身旁有傾有講，未見尷尬。

Eason主動走到Kay身旁暢談合唱歌感受。	李克勤當年鬧出「插旗風波」竟被阿倫再次揶揄。	環球歌手大合唱，獨欠張學友和關楚耀兩人。

玩埋劉美君

至於阿倫身為「環球保衞隊隊長」則發揮搞笑本色，先笑劉美君與Kelly、麥家瑜和陳詩慧合唱是「老、中、青」組合，接着在插旗幟儀式時，阿倫連克勤都不放過，指克勤「插旗」最有經驗，即令人想起96年克勤在無綫台慶爆出「非法進入異性體內插旗」遭到投訴風波，而手持大旗的克勤笑言：「呢支旗唔係普通人可以插，係要有分量先得。」

劉美君插旗時，阿倫又搞笑地說：「插旗要講技巧，要斜啲先插到。」引來哄堂大笑。對阿倫重提舊事，克勤不怒反讚阿倫是大家的精神領袖，最會搞氣氛。

交：音樂組