中秋佳節本應人月兩圓，不過阿Sa、陳偉霆兩人因為工作未能與另一半共度佳節，而阿Sa更稱有時間都選擇留在屋企休息養好身子，至於會否約緋聞男友鄭中基？她稱一切會以養好身子為重，認真身子大過天。
蔡卓妍（阿Sa）、陳偉霆、鄭伊健、HotCha、張智霖，前晚中秋夜出席無綫《沙田月滿樂安居》錄影。期間，阿Sa透露當晚未有約會緋聞男友鄭中基，更表示當晚完成工作之後，會趕回家與愛犬慶祝生辰及休息養好身子，並稱一切以身子為重，莫非她要養好精神，才有能量會鄭中基？
偉霆想見baby
阿Sa說：「點解唔約鄭中基過中秋？今朝曬到暈暈地，趁今晚早收，返屋企養好身體先。（佢有冇擔心你？）好多人都擔心。（最近有冇留意佢公司風波？）冇，自己都未搞得掂。（佢有冇同你訴苦？）冇喎！做得呢行咁耐，邊啲新聞應該留意，邊啲要忽略，我已經好清楚。」
而陳偉霆表示完成工作後，會趕回家與媽咪慶祝中秋。他說：「媽咪今朝鬧我唔陪佢，所以一陣趕返去陪佢。（有冇約Angelababy？）希望一陣會喺朋友堆中見到佢，因為今日有個朋友開新舖。」
伊健未諗結婚
此外，四號正日生辰的鄭伊健，透露錄影後會約女友蒙嘉慧（YoYo）及林珊珊食飯慶祝。他說：「一件禮物都未收到。（YoYo有冇送禮？）冇所謂，如果諗唔到就將啲錢捐咗去。（有咩生日願望？）希望十二月演唱會成功。（又大一歲有冇諗過結婚？）暫時唔會。（有冇諗住生小朋友？）冇諗過，會學堂阿哥收養兒童。」
文：影視組