江若琳（Elanne）、HotCha、Square等昨日現身假奧海城舉行的耐力賽，為參賽者打氣，Elanne說：「好想買車，不過自己連車牌都冇，媽咪話我方向都未搞得掂唔畀我考，但之前fans自製咗個有我生日同名嘅車牌畀我，令我更加想放喺架真車上面。」Elanne謂想將保母車變成粉紅戰車：「要黐滿閃石，仲要同事着粉紅色制服，不過司機話畀十萬蚊佢都唔制。（買樓？）都想，希望一年後可以一炮過買村屋。」曾被偷拍卡通內褲掛於窗邊的Elanne又言「見過鬼怕黑」，將來住村屋必定更加小心，她說：「依家特登買咗乾衣機同叫媽咪要拉窗簾。」