祖兒昨日在文化中心舉行兩場「JOEYYUNG PERFECT 10 LIVE2009」，獲老闆楊受成及太太、蔡卓妍（阿Sa）、鍾欣桐（阿嬌）、陳偉霆、吳浩康、泳兒、王菀之及樂易玲等撐場。阿Sa與阿嬌則前後腳入場，阿Sa笑言：「佢（阿嬌）第二批嚟，唔想搶祖兒風頭。」後來阿Sa和阿嬌在霍汶希（Mani）陪同下再次現身合照。大會特意在場外擺放多個祖兒的人形紙牌，歌迷爭相合照，場面熱鬧。

祖兒咬實牙關捱過困境，現終成為樂壇天后。	阿Sa與阿嬌前後腳到場，笑言是不想搶祖兒風頭。	霍汶希

喊吓唔得咩？

祖兒以銀灰色蝴蝶造型登場，在九人大樂隊伴奏下，獻唱十五年前參加比賽的《一首獨唱的歌》。她謂：「我記得當年我都喺呢個台上面，我係年紀最細嘅參賽者，當時有好多觀眾，但係嚟支持我嘅只得兩個，就係我阿媽同我姨媽。今日（昨日）重遊舊地就好似返咗阿媽個肚咁，仲由兩個變成全場觀眾都嚟支持容祖兒，真係好開心！」她在台上感謝低調現身的容媽媽，期間感動想喊，台下歌迷大叫「唔好喊」，祖兒即撒嬌謂：「喊吓唔得咩？話晒十年吖嘛，感動呀！」

師姐開騷，陳偉霆與泳兒到場支持。

祖兒見樂易玲捧場，即開心攬實對方。

死硬派不放棄

另外，祖兒坦承於二○○一年因失聲及負面新聞，令她陷入低潮：「當時唔算新人又唔算好叻，又發生我意想不到嘅事，令我登上A1頭條新聞，我有諗過自己做嘅嘢，會唔會一個大浪沖埋嚟就沖走晒呢？突然個心有把聲叫我咬實牙關，捱過就可以『升呢』！」

祖兒指當年發生很多騎呢事，問到聽過甚麼最難聽的話，祖兒說：「我睇啲網友話『垃圾』、『希望盡快消失排行榜』，真係幾難受！不過我係死硬派，唔會放棄！（驚唔驚受壓有精神病？）我應該有，你又知我唔係思覺失調？（十年成就係咪賺到好多錢？）係我用意志力克服問題，唔會咁易被人打沉！（十年賺一億？）我有好多回憶呀！」

文：音樂組

攝：秦健輝