在書展推出寫真集的一眾o靚模鬥個你死我活，其中羅凱珊（Kama）跟Angelababy及周秀娜更鬥到日本。當中Kama率先彈出，成為首位獲邀到當地行騷的o靚模。事隔不足三個月，Kama因學不好日文而放棄日本市場，轉攻台灣。
Kama昨出席電影宣傳，同場還有劉青雲、古天樂、鄧麗欣及何超儀等。o靚模熱潮一度席捲日本，Kama亦曾到當地發展，更是首位在「Tokyo Girls Collection」行騷的o靚模。不過Kama其後掛住同闊少拍拖，慘被對方指愛放料，令Kama人氣急跌，中秋節更未獲邀出席任何商場活動。
少公開露面
對於近期少作公開露面，Kama淡定解釋道：「因為我幫緊部電影補戲，（人氣跌咗？）我只係做緊啲你哋睇唔到嘅工作啫，例如補緊戲同幫模特兒學校研究緊課程。」對於「死敵」周秀娜被科技大學邀請出席講座，Kama表示：「冇意見，科大搵得佢自有佢哋嘅原因。（羨慕佢升格？）唔會，佢有佢嘅際遇。」
屋企度中秋
談到在日本的發展，Kama坦言：「停咗喇，因為我學唔識日文，自己又忙，依家轉攻台灣，因為識啲國語，都係自己懶，極度失敗，（半途而廢？）有啲啦，有機會學好啲日文再去。」
同場的劉青雲及古天樂前晚均與家人歡度中秋，青雲表示跟太太郭藹明留在家中過二人世界，並笑謂：「怕塞車，喺屋企搞吓搞吓囉，（搞咩？）煮嘢食囉。」
文：影視組