儘管金牌大風近日是非多多，自與Stephy一直傳不和的Theresa決意離開後，Stephy名正言順「留任」做一姐，下月更將推出新碟，可見她備受公司力捧！
日前她與緋聞男友方力申為新合唱歌《七年》拍Neway卡拉OK廣告，小方化身專業攝影師為Stephy留影，除為伊人撥秀髮外，更公然打情罵俏，導演趁勢臨時加插二人頭貼頭的「親密戲」，二人不用NG便完成鏡頭，駕輕就熟。事後Stephy笑言：「頭先feel到佢啲抖氣聲，但冇尷尬，都慣咗，平時拍戲都好close，話晒我哋都合作咗六年啦，（擔心七年之癢？）都擔心觀眾會睇厭，睇公司點安排。」
小方愛拍女友睡相
而向來「偏心」Stephy的小方，竟自爆愛拍下Stephy的睡相：「之前同佢去廣州做宣傳，坐車嗰陣佢瞓着咗，咪影佢囉，（會唔會公開Stephy嘅睡姿？）唔會，我唔驚佢殺咗我咩！」他又笑言差點被熱愛儲相機的老友鄭中基慫恿買下廿多萬的相機，幸好「把持得住」。另外，小方日前在澳門首次舉行簽唱會，吸引逾千名市民圍觀，由於他主持的《美女廚房》在當地大受歡迎，大會安排fans以食物介紹自己，一名女fans竟向小方嗲爆地說：「我係澳門美女廚房嘅葡撻呀，外脆內軟嘅喎！」令他頓時不懂反應，相當搞笑。
Profile
鄧麗欣Stephy
年齡：25歲
三圍：32B、24、35
身高：168 cm