鍾鎮濤前晚在灣仔一間高級法國餐廳，為女友范姜包場舉行生日會，譚詠麟（阿倫）、陳百祥夫婦、苗僑偉夫婦、無綫製作部總監梁家樹、葉童夫婦、歐陽震華夫婦、徐濠縈、呂方、杜德偉、陳友等好友出席。席上阿B安排了不少美食給眾賓客品嘗，而懷有6個月身孕的壽星女范姜，當晚亦興奮得飲了少許紅酒，阿B亦高興得滿場飛。期間阿倫突然拿了一抽提子出門口請現場的記者食。

壽星女范姜（中）與大Ｂ女鍾嘉晴（右）準備離場返家。	徐濠縈亦有抽空參加生日會。	生日會中途，阿倫請場外記者食提子。

呂方拖杜德偉走

眾人玩至約凌晨陸續散去，見呂方與杜德偉齊齊步出，問到場內氣氛如何，呂方說：「好玩呀！好多嘢食。」但當記者問到中秋節點過時，他隨即拖着杜德偉的手，然後笑笑口步行到附近取車離開。其後阿B護送葉童夫婦離開時，帶醉的陳國熹竟突然向着鏡頭豎起中指，站在身後的阿B見狀即連忙制止。未幾見手持鮮花及穿上黑色透視長裙的大B女鍾嘉晴，與尾隨的范姜等人登上七人車離開。

呂方（左）拖着杜德偉的手取車離開。

阿倫（右起）、陳百祥、黃杏秀結伴離場。

新舊曆疊住慶祝

事後記者致電范姜，她表示今年生日特別有意義，她說：「今年係我新曆同農曆生日都係同一日，（收到咩禮物？）呢個Party係阿B搞，早幾日阿B仲一早起身陪我去買花布置，令我好感動。兩個女都分別畫咗張生日卡送畀我。」

文、攝：追蹤組