木村乃昨日以低胸裝出席中秋活動，當她俯身畫賀卡時，胸前更一度「走暈」，吸引現場龍友爭相拍攝。木村乃又自爆四個月前與男友甩拖，兼現時沒有追求者，所以中秋節惟有相約好友飲酒「解悶」。
木村乃與陳思齊昨日齊為月餅競食活動擔任評判，身穿Deep V性感裝束的木村乃，更「賣大包」為參賽者抹嘴！之後木村乃俯身畫中秋賀卡時，胸前更一度出現露暈盛況，吸引現場龍友爭相上前拍攝，場面可謂群情洶湧。
出書大談香港
木村乃透露中秋節會相約好友飲酒，並強調自己「不會喝太多」：「我唔可以飲太多酒，因為唔受得，飲少少已好Happy！」問她若果飲醉酒會如何時，木村乃又再強調自己只會跳舞。
另外，木村乃表示會在日本推出新書，內容主要講述在香港的生活，她又自爆現時冇拖拍：「我同男友啱啱分咗手四個月，同呢個男仔拍咗四個月拖，依家都仲係朋友，但冇搵對方。（有冇其他人追？）冇呀，真係冇！」
煲蠟驚動消防
另外，同場的陳思齊則自爆小時候十分頑皮，除了試過因「煲蠟」驚動消防員外，更試過將火水射向其他小朋友的燈籠，認真離譜！她表示：「見到人哋個燈籠着晒火又喊晒嘅時候，我會好開心！依家大個咗識諗，就梗係奉勸大家唔好咁做啦。」