提到新戲，JM指今次角色很新鮮，對她來說是一大挑戰，她坦言：「無論角色、性格同年代都係我未接觸過嘅，要睇多啲同類型嘅戲。（有冇大膽場面﹖）對我嚟講好大膽，角色好大膽。」

無懼拍周秀娜

面對(o靚)模紛紛進軍影圈，問她可怕比較時？JM認為各有各做，有新面孔是好事，至於會否介意與周秀娜合作，她則以公司作擋箭牌：「全部工作交畀公司，公司安排就會做。（你冇主見？）自己同公司有溝通，佢哋好清楚我。（有冇底線？）我從來唔着三點式泳衣影相，一嚟家人唔畀，我自己亦未有心理準備，呢方面公司好清楚，知我嘅標準。」

同場的品牌巿場經理兼周汶錡（Kathy）男友Julien Lepeu，被問到與Kathy的感情，他以很好來形容，但未有結婚大計，提到之前搭上的歌手張苡澂，他稱二人已沒有聯絡，問到會否覺得被對方利用見報，他稱不知道。

文：名人組