劉美君前日為新歌《蝙蝠》及《雪泥》拍MV，以白色tube dress紗裙襯Chaumet贊助的150萬鑽飾，令她變身美艷新娘。她坦言：「第一次結婚冇着婚紗，到第二次結婚先有，（今日獨欠男主角？）哈哈，男主角（指美籍男友Steven）去咗外國呀。」
劉美君在《蝙蝠》MV內有純白和較妖艷造型，MV中外表純潔的她實質是邪惡，相反外表妖艷其實卻單純。她表示相信人人都善良，不愛以貌取人，故自己在感情和金錢方面都很容易「受傷」。不過，劉美君笑言不會記住哪一次「最傷」：「要計較嘅人先會知道邊一次最傷，但我就係唔計較，咁樣做人會開心啲。（所以對愛情屢敗屢戰？）係呀，唔可以驚，驚就愛得唔轟烈，拍拖又點會開心？」