阿Sa、鄭希怡、鄭嘉穎、黃宗澤、胡杏兒等於澳門出席由英皇娛樂及無綫攜手策劃的活動。阿Sa日前於家中休克暈倒，她坦言出碟、錄音、拍戲經常一起進行，都頗辛苦，更謂：「希望同公司反映，安排好啲，（會否減少工作？）其實編排得好啲就OK，工作唔會嫌多。」問她會否推job爭取休息，她說：「好難取捨，識我嘅人都知我好少推job。（fans催你結婚，唔使再辛苦！）冇諗咁快，仲好鍾意做嘢！」阿Sa又謂身體不好，令朋友、家人擔心，自己都唔開心，問到最擔心的是否緋聞男友鄭中基時，阿Sa甜笑，然後說：「係爹哋、媽咪。」

嘉穎唔知阿佘新歡

此外，鄭嘉穎被問到佘詩曼（阿佘）的新聞時，在旁的黃宗澤即加鹽加醋，但記者邀黃宗澤與胡杏兒影相時卻左閃右避，結果反遭嘉穎戲弄，笑他謂：「做男仔應該大方啲。」而嘉穎回應阿佘被指有富豪新歡時表示沒有看過報道，至於指他是「窮小生」，他說：「我比上不足，比下有餘，佢係稅務局咩！無聊新聞唔需要回應。（有冇同阿佘聯絡？）有，不過冇講呢啲，我最清楚自己身家。（你係咪最清楚阿佘感情狀況？）我講過同佢只係朋友關係，我依家無論經濟、感情都OK。」問他覺否阿佘貪錢，他笑言：「我仲貪錢呀！」