李嘉欣昨日出席於海港城舉行的《PSPgo全球首賣發布會》，獲大會送上Love Set遊戲機，成為全球首位用家。大會又安排四位小女孩化身嘉欣的四個經典造型行騷，包括《原振俠》及香港小姐等，非常趣致。

四名小女孩以嘉欣的造型現身，氹得她笑逐顏開。	小女孩拿着鮮花唔肯放手，最後向嘉欣獻吻補數。	放大圖片

否認人工受孕

四名小女孩表現活潑，其中一位在台上拒絕與嘉欣握手，又有另一位拿着要獻給嘉欣的鮮花不願放手，情況尷尬。事後嘉欣說：「可能佢貪靚，想用支花襯托番佢件衫啦。（仲敢唔敢生？）細路係咁，活潑啲好啲。」她隨即否認人工受孕的傳聞，又指婚後的生活很開心：「我可以代表我另一半講，有冇（小朋友）都冇所謂，我哋唔係為咗ＢＢ選擇結婚，係為咗婚姻生活，唔一定要有下一代。（冇繼後香燈壓力？）係都唔使等我啦。」

攞家用做善事

遊戲機活動向來是G模的工作，問嘉欣是否搶飯碗？她說：「我嘅市場都好廣泛，個個都有market share。」那是否不需要老公畀家用？她則透露：「其實我一部分嘅收入，一部分嘅所謂家用，都用咗嚟做善事。」至於中秋節嘉欣會跟老公一同度過，但她笑指不會下廚虐待老公，會有廚師代她効勞。

文：影視組