本文重點
黃耀明有份演出的多媒體音樂劇《大紫禁城》，將於本月25至27日，假香港文化中心公演，屆時明哥與崑曲大師石小梅高手過招。問到為何參與《大》劇？明哥說：「因為冇完全脫離自己嘅Style，今次最好玩嘅地方，反而係我因為唔熟悉呢個題材，所以要惡補好多功課，參考資料、睇書同錄像等，令我對建築同傳統中國文化認識深咗，我以前都去過紫禁城，但都係走馬看花，唔能夠睇真啲。」
繼續培育新人
談到服飾方面，明哥說：「今次我嘅角色係『燕子』，所以服飾方面都同燕子有關，但唔係咁形象化，會有四個造型表達。歌曲方面由於全部係新歌，唔同演唱會重新編曲，所以有啲難度，我記歌詞又唔係好叻，要成日記住。」
至於會否繼續培育新人？明哥說：「都會。（樂壇青黃不接？）我又唔覺，時代唔同，依家啲人鍾意將自己嘅作品放上youtube同Blog同人分享，咁樣反而好民主，透過口碑同民意調查去畀人知道，樂壇最緊要百花齊放同多元化。」
採訪：專案組
攝影：謝國華
化妝：Cathy
髮型：Ivan Lee@Headquarters
服裝：adidas