本文重點
o靚模在今夏熱爆燈，昨日新片《我要做o靚模》乘勢開鏡，趙碩之、戴夢夢、Melody、賈曉晨（JJ）、王璐瑤、郭思琳、顏后君、周柏豪及黃嘉樂等一同出席。
王璐瑤盛傳介入謝天華與太太之間，加上一襲輕盈短裙不時被吹起，頓成焦點所在，其經理人細心地提醒記者「佢條裙吹起咗，去影呀！」當一眾記者圍實王璐瑤時經理人又反過來提醒她小心㩒實條裙，認真識做。
王璐瑤否認緋聞為她帶來拍片機會，更說：「套戲一早接咗，我同謝天華只係fans同偶像嘅關係，好耐無見，真係估唔到放咗張相喺facebook會搞到咁大件事。」
趙碩之喜遇JJ
同場的趙碩之、戴夢夢和Melody齊齊有戲拍，獨剩Yumi仍未解凍，趙碩之說：「Yumi暫時仲喺冷靜期，遲啲佢生日，希望收到最大禮物係解凍，我今日好開心見到JJ，因為被雪期間見佢喺報紙撐我，真係好感動。」JJ坦言覺得趙碩之男仔頭，自己只係照實講，完全不知發生甚麼事。
文：影視組