患過厭食症嘅韓君婷，近年肥番唔少，不過佢依家大部分時間休息多過做嘢，畀人影得最多就係逛超市同夜蒲老蘭。早前佢又現身中環ifc，照樣喺超市狂買嘢，結果兩個籃都放唔晒。最離奇係佢連文具亦買得一餐，鉛筆、原子筆同拍紙簿亦大量入貨，難道佢要將減肥血淚史寫成自傳？見佢埋單畀咗張大牛，就知有時喺超市消費絕對唔講得笑。
行到出門口，本來韓君婷仲親自將啲戰利品塞入膠袋，突然發現有人影相，即時兩手fing fing向前行，仲好風騷猛揮手，難為佢個女性友人戇居居推住架車仔跟喺後面。排隊搭的士嗰陣，韓君婷一樣冇出手，反而忙於除低件披肩……嘩！單帶小背心？唔怪得佢唔肯揸住個超市袋喇！明晒。
