陳豪，佘詩曼、林保怡、黃德斌、邵美琪昨日為新劇《天與地》試造型，當中身穿皮褸的陳豪黐滿鬍鬚、鮮有以低胸造型示人，事後陳豪謂：「今次角色要赤膊上陣打泰拳同夾Band，所以近日苦練肌肉，成功減咗三十磅，但離目標體重仲有五至八磅，公司更會請泰國拳王教我打拳。」他又透露劇情講述人食人，是十分特別的電視劇題材。
阿佘為新劇角色不惜剪短頭髮，雖然感到唔捨得，不過對於短髮造型感覺滿意，而她對於陳豪低胸造型，她說：「喺佢尺度嚟講算係低，不過覺得佢黑啲會好啲，知道佢好努力減肥，同佢出Trip淨係見佢食豆腐。」
此外，阿佘日前風騷與周家怡捧黃子華場，完場時更撞見蔡少芬夫婦，並雞啄唔斷。
