森美及小儀昨日邀請阿嬌、林一峰及林二汶為十一月的「森美小儀歌劇團」造勢，二人扮鬼扮馬為眾人炮製拿手小菜，森美更戴上假髮扮老婆婆，造型令人捧腹。

唔爬阿Sa頭

近日傳出蔡卓妍（阿Sa）秘密訂婚，身為對方好姊妹的阿嬌謂：「佢話冇喎，其實佢好少戴Accessories（飾物），都唔鍾意戴戒指。」阿Sa曾表示想三十歲結婚，問阿嬌有否跟對方談過理想婚禮？她笑謂：「未係時候，佢仲細我兩年！（咁你？）我諗我三十五啦，都就三十啦，好難做，可能要上網徵婚先得，哈哈！」

阿嬌又化身美食評判，試食小儀煮的洋葱牛肉，不過試食時阿嬌就面有難色謂：「牛肉第一件唔熟，第二件又太熟，唔知點解啲洋葱又大塊過牛肉，不過味道OK，啲汁好OK。」小儀坦言被阿嬌完全擊倒，笑謂：「估唔到遇到真正嘅美女廚神！」

期待再演出

至於林一峰滿有自信的說：「我整嘢食好得㗎，最勁煮齋！」但二汶即抵死表示未試過。森美表示原本想找朱咪咪演他的舊情人，惜對方冇期未能演出。而阿嬌、一峰及二汶都不會參與這次的演出，但他們異口同聲表示有戲癮，阿嬌表示期待有重演機會。

文、攝：音樂組