今個秋冬，一反常態，吹起一股粉紅妝，傅穎、Angelababy蜂擁跟風！不過，黃皮膚一向難於carry粉調眼妝，一不小心，分分鐘化出熊貓眼，遇着眼腫腫的日子，粉調眼妝更會令雙眼看起來更腫，弄巧反拙變醜妝！

深色突出輪廓

Clinique與化妝師DoDo Au Yeung合作炮製的粉紅Rose Champagne眼妝，只要掌握眼影的分量和落點，以眼窩位中心點，眼影千萬不可塗抹出界，以淡色眼影突出眉骨位，深色眼影加深眼尾位來突出輪廓，似淡淡滲出玫瑰香檳的醉人味道，柔和迷人。

輕級版大眼妝

搶閘換季的Cara自言平日不愛花時間化妝，但得DoDo傳授秘技後，她說：「我簡直愛死呢個粉紅妝！技巧好易掌握，眼妝又唔會太誇張，感覺好溫暖，仲唔使十五分鐘就完成，啱晒我呢個懶人。」不過，Cara笑言相比化妝，自己更懶於落妝，但為了保養皮膚，絕不可偷懶：「化呢個妝唔使黐假睫毛，輕輕畫條眼線，搽埋睫毛膏就已經有輕級版的大眼妝效果，可以慳番脫假睫毛嘅時間用嚟敷眼膜更好！」

大眼妝STEPS 因東方人的眼部輪廓較平坦，以淡粉紅眼影在眉骨位作highlight，有助突出輪廓。	以粉紅色眼影塗滿雙眼皮位時，向上及向外掃開，有助淡化不同色彩的分界線，再以較深色的啡色在眼尾位落色，突出眼部的線條，有助加深眼窩位。	利用眼影掃的斜角位貼着眼線，以黑色眼線膏勾畫出自然、微繞的眼線，拉長眼睛的線條。
最後以ZigZag的手勢掃上睫毛膏，避免出現曱甴腳。

化妝師獨門貼士

很多人以為黃皮膚一族難用Pastel Colour的眼影，怕化出熊貓眼，其實並不盡然。化妝師Do Do Au Yeung就公開她的獨門貼士：「最緊要控制眼影的分量和落點，不過落點因人而異，所以保險位喺雙眼皮位置。記住唔好搽過眼窩位，除非你似楊千嬅擁有超深雙眼皮啦。」

採訪：吳靜嫻

攝影：吳文聰