14/09/2009

播放本新聞相關短片

孫耀威暫別歌壇

孫耀威昨日出席活動，談到其病情，他坦言一直受聲帶爆血問題困擾：「近年爆得愈來愈密，依家唱歌都驚唔知幾時會爆血。（傳聞鼻生瘤？）唔係瘤！其實之前撞車，鼻骨移咗位，令到肌肉發大，但呢兩星期內會切除。」他決定暫時退出樂壇，稍後將轉移台灣、內地拍劇，他說：「有一段時間心情好低落，成年喺屋企寫歌，但原來都冇辦法出唱片。成日都會祈禱，會諗點解咁對我。」

而緋聞女友陳美詩前日同場出席保良局活動，對孫耀威行蹤瞭如指掌：「佢因為唔舒服所以早走。知佢聲帶有問題唔可以再唱歌，我都會祝福佢早日康復。」