丁子高昨日應邀為好友Raul（前VRF成員）的時裝品牌Mr. Weather活動擔任嘉賓，剛從澳門返香港的他，被問及老婆楊千嬅放料自爆婚訊的報道，他說：「呢個報道好無稽，不過佢公司內部嘅嘢我唔方便講，其實成件事（被揭婚訊）我哋都非常突然，呢個係兩個人之間嘅事。（信老婆唔係咁？）直情唔會啦！（千嬅有咩反應？）我冇同佢講，咁假嘅報道，佢都唔睇！」

先擺酒後生仔

記者笑他只要看着千嬅便滿足，丁子高即點頭冧笑，羨煞旁人。對於千嬅頻頻被指大肚，他笑謂：「我個肚仲大過佢啦！（計劃生BB？）擺咗酒先啦！」另外，千嬅前晚為《星光熠熠耀保良》打頭陣時，拖着小朋友出場，大會更播放結婚進行曲，似是慶祝她結婚之喜。

A.Lin 公開抓撈

早前周秀娜的纖體廣告因太性感被抽起，近日纖體公司改播A.Lin的廣告，昨日A.Lin出席時裝活動時，解釋不是該公司的代言人：「我只係幫佢拍廣告雜誌，唔係代言，如果其他纖體公司有興趣都可以搵我㗎！」而擔任大會司儀的范振鋒則透露，新香蕉俱樂部計劃於十月中出碟並首次灌錄國語歌。

A.Lin笑言歡迎其他纖體公司搵佢做代言人。	一眾o靚模A.Lin（左起）、Hailey C.、Annie G.、DaDa Lo再次鬥性感。	范振鋒透露新香蕉俱樂部將首次灌錄國語歌。

文：音樂組