莊思敏曾多次狠批o靚模，之前曾揶揄Janice Man（JM）和Angelababy太矮，又指o靚模過分暴露博出位，甚至懷疑她們的水着寫真銷量篤數，不夠專業影響真正名模形象。所以當她知道要和o靚界女神JM同台行時裝騷時，面帶笑容卻寸嘴反問：「佢係咪做嘉賓模特兒咋？佢係『模art』吖嘛，又係模特兒又係artist。」意指JM未夠班做專業模特兒。
而身高5呎9吋的莊思敏認為做名模身高最重要，她說：「名模好難清楚界定，但至少170cm（5呎7吋）以上，o靚模高度差啲。（JM和諸葛梓岐可否升『呢』做名模呢？）諸葛梓岐可以，佢有5呎7吋，高啲嘛！」但她卻刻意避談剛剛好5呎6吋的JM。
