郭富城、譚詠麟、黃日華、許志安和張智霖等，昨日以晨曦B隊隊員身份，出席假青衣運動場舉行的甲組足球聯賽開鑼拜神儀式，兼與TVB隊作友誼賽，一向支持晨曦和明星足球隊的李珊珊亦有到場做啦啦隊打氣。

甚少在足球場上露面的城城透露經張智霖介紹加入晨曦B隊，坦言以足球員身份上場作賽是自小的夢想：「踢波可以降低工作嘅壓力，上場踢波係我細細個嘅夢想。讀小學嘅時候我哋已經有隊球隊，不過中學之後學校冇足球場，逐漸同足球疏離咗，近年慢慢又對足球充滿熱誠，有時寧願瞓少幾個鐘，都要去踢波。」

將到成都賽車

近日有很多校園吸毒事件，城城表示希望青少年可以選擇踢足球，放棄吸毒壞習慣。日內城城將啟程到成都參加賽車賽事，為自己的基金和李連杰的基金籌款。

有腳傷的阿倫沒有機會施展腳法，見到眾球員在場上操練，亦難頂心癮，強忍腳痛都要落場踢幾腳，他笑說：「我已經有一百日冇踢波，筋無百日好，過咗一百日都未好番，今日惟有做開球禮。」

文︰影視組