徐子珊早前因拍戲搞到疲勞過度及營養不良入院，出院休息幾日，子珊隨即開工一口氣拍了兩首新歌《Hit Me》、《血拼》ＭＶ。子珊在ＭＶ中穿上高跟長Boots勁唱勁跳幾個鐘，但因新鞋關係令她跳到腳趾流血，不過為免阻礙進度，子珊依然頂硬上。捱了十幾個鐘後，在十「趾」痛歸心的煎熬下，子珊終於頂唔順要求工作人員為她買膠布。
因為剛剛出院還未正式康復，而且又要勁跳，子珊一路跳一路感到暈眩，但她甚有專業精神，一直堅持下去。由於子珊的檔期相當緊密，拍完《Hit Me》稍作休息後，接着再拍另一首新歌《血拼》ＭＶ，最慘是本來已跳到腳趾流血，在《血拼》ＭＶ仍要穿上高跟鞋勁跳，幸而子珊早已排好舞步，所以正式拍攝時只拍了三次導演就收貨。
