十二位《2009亞洲小姐競選》（港澳賽區）候選佳麗，昨日結伴出席第一堂形象課。大熱門人選仝曉燕缺席活動，少了一名勁敵，令其餘十二位佳麗表現更為自如。現場所見眾人充分發揮水準，一舉一動都充滿自信。當中跟仝曉燕同被視為熱門、有「翻版李嘉欣」之稱的(2)王希瑤更是狀態大勇，見她全程笑容滿臉，似乎是勝券在握。
對於仝曉燕退選一事，(5)林紫君表示不知情，只知她兩次缺席活動，她說：「因為佢講普通話，所以同佢唔多溝通。（勝出機會大咗？）咁又唔覺，只係覺得少咗一位成員，冇咗份團體感覺。」至於在澳門宣傳時跟仝曉燕同房的(8)戴瑞姍，亦不知道仝曉燕失蹤，並未有聽過對方說有退選的打算，她說：「我之前見佢都有傾吓電話，唔覺得佢有咩異樣。（可惜？）覺o架，因為少咗個人。（對你着數咗？）每個佳麗都着數咗，個個都好平均。」
