本文重點
o靚界女神Angelababy出道至今穩坐o靚模一姐地位，最近更簽約日本Avex唱片公司，前途無可限量！有傳英皇有意招攬Baby，以八百萬港元簽約三年收歸旗下，一來全力助Baby在歌影視及模界發展，二來Baby亦可與緋聞男友陳偉霆情侶檔拍住上搵真銀，有助提高雙方的知名度。
承認多公司招手
記者致電一手捧紅Baby的經理人Kim問及此事，她堅定否認說：「絕對冇咁嘅事！一定唔會簽其他公司，就算co-management都絕對冇可能，因為唔需要。（簽英皇係咪可以助Baby喺歌影圈上發展？）我哋依家都有做呢方面嘅嘢，好多工作傾緊。（有傳八百萬簽三年？）肯定冇，Baby點止值八百萬？（有冇公司傾過簽Baby？）好多公司向Baby招過手，但我可以好肯定講我唔會賣女，我同Baby合作咁耐，關係好良好。」
昨日飛抵日本將為「Tokyo Girls Collection」行騷的Baby，在其網誌上載了為日本雜誌影相的照片。
另外，英皇唱片及藝人管理部總監霍汶希亦對消息澄清：「冇咁嘅事！我都覺Baby冇咁平，總之完全冇考慮過呢個動作。」
文：名人組