出爐影后林嘉欣昨日回港，雖然不少演員奪得影帝、影后寶座後都會即時加價，不過嘉欣今次卻「反傳統」，除收回過往的「平實價」外，更揚言未來會多拍低成本製作的電影，實行回饋影壇！
林嘉欣日前憑電影《親密》擊敗四十多個其他國家的對手，奪得「第三屆韓國忠武路國際電影節」的「最佳女主角」。昨日由韓國凱旋歸來的嘉欣，有二十多名fans及媒體到場接機，fans們更準備了后冠、鮮花、蛋糕及香檳等為她慶祝得獎及其農曆生日，喜上眉梢的嘉欣更即席豪飲香檳。
多一份使命感
對於榮升影后，嘉欣笑謂：「好開心，證明我揀電影條路係啱嘅，以後要拍更多好嘅電影，因為就算小成本嘅電影都係會有人留意到！（會加片酬？）唔會加，一向都係平實價。」
首次奪得影后的嘉欣，自言聽到大會宣讀她得獎時，心情仍是相當平靜：「直到上台前一刻先突然緊張起嚟，因為大會介紹我係香港演員，所以多咗一份使命感，之前都冇呢種感覺。（海外同香港得獎感覺有咩唔同？）我未喺香港拎過女主角，所以唔知。（想再下一城？）唔恨得㗎，要劇本、演員、導演等配合，部分仲要靠運氣。」嘉欣稱快要投入新片拍攝，故暫會先忙準備新戲，稍後才慶功。
忘記向母報喜
嘉欣更自爆蝦碌事，指出發到韓國時若不是林媽媽致電找她，嘉欣也忘記對媽媽說得獎：「都係佢嗰日打畀我先記得同佢講，媽媽緊張到瞓唔着。得獎之後都有SMS同email話畀大家知呢個好消息。」
採訪：影視組