愈戰愈勇的鍾欣桐（阿嬌），首度參演的舞台劇《星爸亞爸》圓滿閉幕，英皇一姐容祖兒親自拉隊捧場，演出大獲好評的阿嬌，謝幕一刻激動落淚，失落油然而生！
由阿嬌擔正演出的五場舞台劇《星爸亞爸》圓滿落幕，阿嬌萬千寵愛於一身，頭場有好姊妹蔡卓妍為她打氣，尾場就由英皇一姐容祖兒率領泳兒、吳浩康、洪杰來捧場，而老闆楊生雖然貴人事忙，但當晚也在開場不久趕到撐場，令阿嬌大為感動。
日對夜對唔捨得
阿嬌的演出備受讚賞，在尾場謝幕時更感動落淚，她哽咽說：「過去排練咗一個月，跟大家日對夜對，培養咗一份深厚感情，做完後覺得好失落，好唔捨得。」她跟台前幕後承諾，大家必定要相約吃飯敍舊。
日對夜對唔捨得
完騷後阿嬌拉大隊去打邊爐慶功，遇上大批等候她的fans，並預備了香檳、蛋糕給她慶祝，當見到歌迷送她的蛋糕寫上在劇中的名字「莫家雯」，氹得阿嬌笑逐顏開，她笑說：「歌迷真係好有心思，佢哋仲以『莫家雯國際劇迷會』署名，別出心裁。」
文：音樂組