阿Jan笑言：「我有睇新聞，呢排好多喜事，好感激佢哋配合晒『我願意』宣布晒婚事，加上傳媒搜集到咁多資料，簡真係天衣無縫配合主題。」阿Jan更忽發奇想，想請三對新人「黎明和樂基兒」、「楊千嬅和丁子高」、「劉德華和朱麗倩」出席他的神級婚禮，由他為他們做主婚人。記者指很難請到華仔這一對？阿Jan反借華仔方法：「我就擺番個遮陣遮住佢囉！不過，呢批嘉賓都係我一廂情願，始終結婚係私事，我都恭喜佢哋。」雖然阿Jan與黎明和千嬅交情不錯，不過，阿Jan稱都是看報道才知，並謂：「千嬅都有SMS畀我話結咗婚。（踢爆前定後？）梗係後啦，之前講係天方夜譚啦！」

七分真實三分幻想

對又發現關淑怡於85年亦已婚，阿Jan語帶雙關說：「佢咁多年都係保持得好好。（24年終保唔住好慘？）佢有自己生活模式，受影響就唔會咁多年都喺度啦！」因「瞞婚事件」藝人被評為「偽人」？阿Jan抵死說：「從事呢行七分真實加三分幻想。（邊有七分咁多？）咁就七分幻想三分真實囉，唔同人睇有唔同嘅嘢，我話請佢哋都係幻想㗎！」

樂基兒工作密麻麻

另外，愛我行我素的黎明，日前被追問「已婚」事件，黎明不說一句話只騷手上「婚戒」無聲勝有聲，之後又讓給太太樂基兒（Gaile）在活動上向傳媒「交代」，讓事情迅速「簡單」解決，昨日黎明繼續為電影《火龍》開工，周六將出席名錶活動，但相信未必再為婚事解畫。而名正言順成為「天王嫂」的Gaile，承認「黎太」身份後工作依然有增無減，其模特兒公司表示：「Gaile工作一直都排得密麻麻！（認咗黎太有冇即多咗新工作？）邊有咁快知呀！（佢心情點？）私人問題唔答啦！」

文：音樂組