楊千嬅和丁子高（Real）昨日分別出席活動都現出一副冧樣，問到Real有何愛的宣言，他說：「會照顧佢一生一世，會Keep住每日都開心，（鍾意佢咩？）佢係非常可愛嘅女仔，喺屋企見佢好多小動作好可愛，專注做嘢個樣好好笑，（叫佢老婆？）嗯……（叫BB？）咁叫最好，我哋係咁互叫。」至於生育計劃，Real形容為「很遠的事」，即使千嬅年紀不輕亦沒問題，因他們拍拖以來都早睡早起。他又透露在洛杉磯已跟岳父母吃過飯，及為千嬅戒煙，但仍未定何時擺喜酒。
另一邊廂千嬅仍未習慣被叫丁太，笑言聽到此稱呼會身痕，但亦感開心有意思：「其實我仲未過大禮，仲係楊小姐，出年至過大禮，因為同公司有協議。」問到是否互叫BB，千嬅說：「佢平時喺人屋企見到得意小朋友或狗仔都會咁叫，（你可愛？）都幾可愛㗎，哎吔，自己都骨痹！」