Lavina與Monique昨日性感現身電腦展，心口開窿的Lavina搶盡風頭，吸引龍友貼身狂影，問她入場時有冇雙手護胸？Lavina淡定說：「冇，今日大家好守秩序，又有工作人員同fans圍住，唔驚。」

撐Yumi好堅強

對於有傳Yumi因援交被公司雪藏搞到割脈，入院縫了七針，Lavina說：「我睇咗報道，Yumi經理人話只係煮嘢食整傷手，希望佢早日康復，我唔信佢自殺，佢係好堅強女仔。」Lavina亦曾被傳援交，問有冇諗過做傻事？她說：「當然唔會，小小困難應該自己解決，唔應該用消極方法。（你點面對？）同朋友、經理人哭訴。」

而Yumi經理人公司發言人強調她沒有自殺，只是切肉傷手，傷勢亦沒大礙，問到行動有冇唔方便？他說：「傷左手啫，仲有右手。（公司有冇派人開解？）只會多啲打電話，畀佢反思。（幾時再安排工作？）睇佢反省之後再傾。」

採訪：音樂組