昨日為擔任公關工作而出席Lenevo活動的丁子高，對於千嬅聲帶生繭而要休息一事，他說：「有聽講過！佢有次做騷都要打類固醇開聲，其實打呢啲後遺症好大，我會介紹啲鱷魚肉嘅烹調秘方畀佢，聽聞有幫助。（叫你媽咪煲畀佢飲囉！）如果佢有需要，同我講嘅話一定會煲，依家佢最需要係休息。」

望早日康復

丁子高又指很多人都會關心和照顧千嬅：「有需要可以打畀我，佢依家又唔係講唔到嘢，希望佢早啲好番。之前陳偉霆把聲有事要針灸，有機會都會問吓佢。」問到會否怕千嬅休息而被指是籌備婚禮？丁子高即禁不住笑說：「我忙到飛起，我做嘢好忙。（即係唔係今年結？）都冇話係。（明年？）我都冇話係明年。（咁幾時？）做好啲嘢先，人生大事等我事業OK咗先啦！」

唔想接花球

另外，千嬅前晚出席音樂會時表示會出席關心妍的婚禮。被問到何時披嫁衣？她說：「未呀，搞好身體先。（出席婚禮時會唔會再接花球？）唔會，接咁多花球多到可以開花舖，真係大吉利是！」她坦言遇到這些場合感尷尬，即使刻意停手，也有人製造機會令她接。記者追問她丁子高有否試過求婚時，她即說：「唔答，講多口臭！」

文：名人組