陳法拉、蒙嘉慧（YoYo）、馬浚偉、葉翠翠昨日出席無綫新劇《誘情轉駁》拜神活動，其中YoYo對於有雜誌指她在劇中戲份不及法拉多，被貶為二線一事，她大方地回應：「呢啲報道對我嚟講已經冇殺傷力，法拉喺戲裏係比我多一集戲，不過我唔會咁睇，最緊要角色有冇發揮，如果二線可以令一線演得更好，我唔介意係二線。」
法拉就表示與YoYo戲份相若，力撐二人角色同樣重要，不分高低，她亦不會擔心與YoYo傳出是非：「YoYo性格好爽、好直，我同佢好夾，大家合作好愉快。」
另外，葉翠翠透露近日買了部歐洲跑車，並以爸爸名作登記，她說：「其實架車買咗兩個月，不過唔敢揸，唔想畀人影到。（驚畀人話你忽然富貴？）都驚㗎，但係依家唔怕，我個車牌係1186，代表日日快樂意思。」