蔡卓妍（阿Sa）因食錯嘢搞到肚屙兼腳軟，但前晚仍「頂硬上」出席音樂會，面青青的她惹來豬流感（H1N1甲型流感）疑雲，她即以專家口脗強調沒有豬流感病徵，說：「冇發燒、冇流鼻水同冇喉嚨痛。」
阿Sa、謝安琪（Kay）、Soler、梁詠琪及李克勤等前晚出席《新城18聲光綻放音樂會》，獲大會董事總經理馬健生到場支持。穿上熱褲襯高踭鞋的阿Sa一臉病容出現，面青青兼手腳冰凍的她雙手按住肚說：「又攰又凍，中午屙到依家，應該係食錯嘢。（睇醫生未？）未睇。」
同情鄧麗欣
問她是否感染豬流感？阿Sa即否認說：「唔係，我冇發燒、冇流鼻水同冇喉嚨痛。」對於鄧麗欣確診豬流感，阿Sa力撐對方說：「大家同行應該關心佢狀況，應該同情佢。（佢冇戴口罩出席活動？）唉！經一事長一智。」
謝安琪搶鏡
穿上Tube Dress露波罅的Kay成為最搶鏡歌手，她說：「今晚最Sexy唔係我，條裙係服裝指導搵嘅。」Kay承認日前被觀眾柴台後曾感不快，她表示：「有唔開心，不過係一個動力，身體唔好搞到失準，係要積極改善。（係咪爆肺影響？）唔知，不過氣管好易感親。」
採訪：音樂組